「人靠衣裝,佛靠金裝」女人靠藥妝XP


藥妝對女人有幾重要,身為偽櫻花妹認為,有殺錯冇放過XP 買咗先hahah 其實我去日本已經係上年嘅事,懶到而家先出BLOG,有好多已經香港都有得賣,唉,係我錯,我應該一早寫。。。。。

去日本會買CON,RêVIA 1 Day Color 我會買嘅原因係因為安室奈美惠代言,見佢戴得好靚就買一盒試,試過覺得好之後再回購。戴咗眼唔乾,感覺好透氣。見到有COHTO C3 Color Con專用浸Con藥水,即買黎用下啦。
網路圖片
買兩隻不同款嘅Color CON:Pale Mirage & Gypsy Amber

Hello Kitty 眼藥水,睇得電腦多都要滴下。


SHISEIDO藥用潤唇膏,Cosme No.1 藥用潤唇膏自從認識左呢支潤唇膏之後,就無生過唇瘡,有鎖水因子、 Vit E、Vit B6,唔會痴立立,次次去日本都要入手。
MAQUillAGE 眉筆,日本限定,用過好用要再買。
SHISEIDO勁平眉筆,JPY200,又平又抵,勁多強國人搶,攪到日本藥妝店限定每人只可以買2支。
fullsizeoutput_1b1d摘自Miranda Kerr Instagram
LEANANI呢支眼線筆,Miranda Kerr都勁推,美國日本銷量冠軍。真係唔會溶妝,難怪Miranda Kerr都係IG介紹。


日本限定Sofina X Moomin Primavista 粉餅,鍾意姆明一定要買啦

慳家嘅我極愛用呢支KOJI 睫毛膠水,都係JPY200,其實香港都有得買,又平又好用,最緊要係佢可以成條撕出黎,假眼睫毛即刻乾淨晒,洗洗又可以再用。

行藥妝買面膜類真係會眼都花,因為真係太多選擇,同埋其實香港呢個購物天堂好多都有得買。炭酸,日本真係好hit,好多人搶,因為浸浴果時可以一齊用,需知道日本人有幾鐘意浸浴。
最開心係買到HELLO KITTY眼膜,haha 遠赤外線,好似好勁咁^^ Kitty圖案kawaii ^3^
LITS REVIVAL 植物幹細胞嘅美容液,女人我最大嘅Kevin老師都有介紹,強國人又係勁搶。我完全無競爭能力,只係搶到呢一款面膜,睇返原來係MADE IN KOREA,之後我真係問自己做咩要去日本買=.=

原味豆腐MASK,拎左勁多NO.1嘅MASK,日本明星梨花都有推介,呢個有玫瑰味嘅就更吸引,呢個香港好似無得賣。Kose面&眼膜,其實香港都有得買,唔知做咩個人要係日本老遠帶返黎。。。。

對不起,呢個我應該一早寫佢,因為我買果時香港係未有㗎!Kanebo旗下Evita之前出左立玫瑰泡沫潔顏,唧出黎係白色玫瑰,已經想買,之前去大阪見到出左個限定,粉紅色玫瑰泡泡,激發少女心點可以唔買!搽上面仲有陣陣嘅玫瑰香,OMG 太「卡哇伊」、「好夢幻」


其實我都唔知點解,一去到日本就好想買雪肌精。haha 面膜係日本限定,仲有得單塊買。SEKKISEI WHITE CC CREAM 拎過 @Cosme 2016 第一位,又真係又貼又薄,用咗唔化妝都有好膚色。最後個人失心瘋,連BB CREAM都買埋XP

行街行得多腳踭會好痛,呢個休足時間,腳踭專用,香港好似無。。。
撒隆巴斯®又係勁搶之一,粉紅色包裝果盒我勁鐘意,因為無藥味之餘微香性,貼咗都無咁覺。綠色包裝有少少藥味,但媽媽話好正。
ROIHI-TSUBOKO 肩酸腰痛溫感貼布,搶到一個點,因為中醫師都推介,貼係穴位溫感,第日即刻唔酸痛,去旅行咁攰一定要買一盒返酒店用。

ROHTO 手濕疹專用藥膏,我呢啲濕疹人,有時真係好需要。仲有間中會𠝹親,買定液體絆創膏。

間中生暗瘡嘅我,要買定暗瘡,EPUL ACNE CREAM & PAIR 兩隻都好用。日本暗瘡膏有樣好,就係搽咗之後會慢慢退膿頭出黎,又唔會'那'。


日本旅行必買入浴劑,仲要係溫泉果隻,呢盒有成5款,浸完個人真係疲勞盡消。

其實仲有好多日本藥妝都買唔得晒,好想個個月都去買XP
睇到盡頭便是型,ありがとうございました
☆ 產品由Natalie辛辛苦苦賺錢買嘅提供☆
Facebook

instagram



Natalie ★instagram★ ☆Facebook

Blog
Beauty Exchange
She.com
U Blog
Blogspot
Cosmo Blog
for any enquiries pls contact
chunatalie4@gmail.com

留言

熱門文章