【像極了愛情】2020 亞洲新生代超人氣男星

 

今年在家嘅時間真係特別多,唔覺唔覺又就嚟年尾!2020年我嘅年度男神有3位,分別嚟自泰國、台灣同埋韓國,3位都有共通點,就係顏值高又識唱歌又有演技,真係超有大紅大紫嘅潛力!3位分別自己國家都係 Top 1 男神,真係又靚仔又有魅力♥ᴗ♥ 講明先呀,以下排名不分先後,因為係跟時間排,3個我都好鍾意㗎 ♥ᴗ♥



台灣國民老公 許光漢

2月嘅時候我追咗《想見你》呢套燒腦台劇,即刻愛上好有演員魅力嘅許光漢!認識佢係上年嘅金馬獎嘅評審李安大導演讚佢係「台灣小生接班人」,連一個大人物都讚揚,即刻要去睇睇佢以前嘅作品!嘩,《罪夢者》嘅1號演技出色到,睇到都面紅心跳,同《想見你》嘅0號角色好大唔同,真係咩角色都可以,真心實力演技派,難怪李安大導演都讚!今年《想見你》有份角逐金鐘獎戲劇節目男主角獎,好希望佢可以得獎!!!

睇佢好多訪問都有唱歌,歌聲超好聲,應該係被演員耽誤嘅歌手!出道時好似話想出唱片,但好似公司問題定點樣發展唔順利,之後去拍戲就愛上做演員!唔緊要,演員之路成功之後可能會出唱片,其實都幾期待 ♥ᴗ♥



泰國男神 Bright 

Bright 真係靚仔到唔知點形容,鬼鬼地真係超靚仔!認識佢都係今年3月嘅時候中泰網友罵戰,其實真係要多謝網友俾機會大家認識呢個小鮮肉混血男神!唔係我真係好少追泰劇,仲要係BL主題,我都係直到6月先開始睇套劇,睇完我激動到要寫篇文嚟到去讚呢位小鮮肉嘅盛世美顏(我知我真係好誇張喔)!

↓↓點擊花痴劇評↓↓

《2gether the series》&《still 2gether》

目前 Bright 已經係泰國 IG 追蹤人數最多嘅超人氣男星,真係好紅♥ᴗ♥ 紅到好多不同國籍嘅粉都紛紛 follow 佢,講真佢係劇中結他自彈自唱,足球又勁咁,真係好吸引少男少女嘅喜愛!唱歌又好聽,演技又好,好難唔 fell in love ٩(๑♥ᴗ♥๑)۶ 泰國GMM TV嚟緊會翻拍泰版《流星花園》,Bright 會飾演道明寺呢個角色,真心期待!



韓國國民弟弟 朴寶劍

朴寶劍最近套新劇《青春紀錄》,一開播收視即刻超越金秀賢《雖然是精神病但沒關係》、玄彬《愛的迫降》,睇咗第一集已經好心急等睇下一集!朴寶劍好似去咗當兵定就嚟當兵,唔知呀我愛佢♥但又同佢唔熟hahaha 一定係因為寶寶無開 IG,好希望佢會開 IG!又一個又唱歌好聽又有演技嘅靚仔,朴寶劍仲係《青春紀錄》唱BTS嘅歌,聽說初出道想簽YG!

《青春紀錄》呢套劇要詳細講講,因為睇咗幾集已經好有feel!套劇講男女主角都係為自己嘅興趣而堅持著自己嘅夢想,當中好多台詞都觸動到我呢個小小嘅觀眾!劇本寫得好細膩,講述追夢某程度上係需要錢嘅現實、職場嘅霸凌、親人嘅牽絆,睇到我有幾度都眼濕濕!朴寶劍演技好可能係佢本人嘅歷練,造就而家嘅佢!女主角朴素丹拍過《寄生上流》,印象都令人好深刻!唔劇透太多,因為《青春紀錄》真係好值得追!


最後我發現,我鍾意呢3位男神仲有一個共同點,就係咀咀好靚,上唇都有兩個尖尖好似心心咁♥ᴗ♥ 笑起嚟好孩子氣 ٩(๑♥ᴗ♥๑)۶ 

有興趣可以支持一下我嘅年度男神,一齊做許太太、Mrs. Bright、朴太太啦!hahaha ٩(✿∂‿∂✿)۶


♥以上所有相片來自網上♥


Facebook



instagram


Natalie ★instagram★ ☆Facebook☆ 

Blog ☆Beauty Exchange

She.com

U Blog

Blogspot

for any enquiries pls contact

chunatalie4@gmail.com


留言

熱門文章