星光大道終於都重開啦！
星光大道重開，又要開啟香港遊客mode，一齊去景點影相啦！以前巨星掌印置於地面，影相好唔方便，而家新設計改置在欄杆，方便大家同巨星掌印合照！掌印用參考金像獎獎座嘅典雅銅色，細緻到掌紋都睇到，真係好細緻。
翻新後嘅星光大道，銅像旁有QR code俾市民掃一掃，就可以知道巨星更多，Download 手機應用程式SnapPop，AR技術與巨星合照，比舊有嘅星光大道更有趣。
美樂士多，大家可以去買下野食，買下野飲，感受一下香港懷舊文化。士多反映出香港最在「地」嘅文化，讓遊客們都可以感受一下。
本地小店，影相果時店員仲笑住比yeah，太funny！香港都係一個好有人情味嘅地方！！小店仲有好多特色可以俾大家影下相。
來自水波流動嘅形態，全新欄河設計靈感，波浪造型襯反海邊嘅感覺。欄河隱藏咗燈光，夜晚嘅柔和燈光映照星光大道下嘅水波，感覺好浪漫喔。
以前嘅星光大道無咩位可以坐底睇下個海，而家有好多情侶坐，俾大家坐底睇下海談下心，遊客仲可以邊觀賞海景，邊影底維港嘅美麗風景。
有四個種滿植物的扇形鏤空涼亭，好有設計感，遊客可以坐係度，欣賞下海景。
過去有欄杆隔開的如李小龍或梅艷芳等巨星銅像，唔會再有欄杆，新設計於底座加設流水階梯，配合夜間的柔和燈光照明，更有動感。流水梯級設計係根據李小龍截拳之道「水的哲學」，以及梅艷芳嘅名曲《似水流 年》。
金豬年，要有金豬hahaha 卡通人物麥兜嘅「豬手印」及銅像，一定要同佢合照。
維港海旁真係好靚！而家仲有星光大道，新年可以去行下影下相！
☆Facebook☆
★instagram★
Natalie ★instagram★ ☆Facebook☆
Blog
☆Beauty Exchange☆
★She.com★
☆U Blog☆
★Blogspot★
☆Cosmo Blog☆
for any enquiries pls contact
chunatalie4@gmail.com
留言
張貼留言