口碑沸騰台劇《我們與惡的距離》

近排好小煲劇，因為好多劇情都係情呀愛呀，睇得多都係差不多嘅橋段。但呢套台劇真係難得嘅好題材，唔再係男主角好有錢又靚仔又愛你嗰啲劇情。劇情真實，睇完有反思，難怪台灣傳媒話呢套係神劇。

《我們與惡的距離》嘅導演林君陽表示：呢部劇係講一件「無差別殺人事件」，加害者與被害人各人不同嘅立場，以及在旁邊嘅審判者、辯護者、或是牽連者所有人嘅故事，大多數人都係好人，如何放下成見，用同理心和諒解對待彼此。

會睇呢套劇嘅原因，大概係因為演員陣容鼎盛，全部都好戲之人，應該都會幾好睇，加上HBO Asia都有播，更加吸引。上星期已經大結局，所以唔使追得咁辛苦，同埋得十集，好精彩劇情唔拖拉。好耐未試過俾一套劇感動到要寫一篇文嚟讚賞。

 

劇中嘅吳慷仁係全套劇嘅主要演員，殺人犯嘅辯護律師王赦，因為佢係串連起各個角色嘅核心人物，睇完呢套劇會感受到金鐘視帝嘅魅力，真係太好戲^^ 賈靜雯相隔15年後再拍台劇，演技大爆發，同劇演員一齊飆戲，加上拍攝手法勁有電影感，一定係年度必看旗艦大劇。

睇完感受好深，試著探討「到底什麼是好人，什麼是壞人，有標準答案嗎？」而家呢個網路時代，發表意見真係好容易，只要透過鍵盤就可以自由批判，輿論、媒體以及網友所謂嘅正義，如何定義好人惡人，發人深省！

劇情真係唔講咁多，因為人人睇嘅感受都唔同！一部真實又令人深思嘅劇集，穿插社會時事、家庭關係、職場食物鏈等錯綜複雜嘅人性，劇中好多金句都好揪心，真係不能錯過嘅神劇。有消息指劇組會拍下一季，真係好令人期待。

*所有圖片來源自網上*


☆Facebook☆

★instagram★


Natalie ★instagram★ ☆Facebook☆

Blog
☆Beauty Exchange☆
★She.com★
☆U Blog☆
★Blogspot★
☆Cosmo Blog☆
for any enquiries pls contact
chunatalie4@gmail.com