【實測】韓國牌子氣墊粉底推介

呢排小咗化妝，有時照鏡都覺得... 

自問唔係天生麗質，化妝真係自己都覺得順眼啲，本身皮膚容易泛紅又有色斑，所以用咗粉底調一調色個人都精神啲！用氣墊粉底好方便，拍幾吓就出得門，真係慳返好多時間！

粉底最緊要係唔容易溶妝，因為我塊面好易出油，真係要自己試過先知得唔得！今次試足9個氣墊粉底，試一試就知咩料！

1. The Face Shop Anti-darkening Cushion 長效零暗沉氣墊粉餅，搽上面好水潤，遮瑕都可以，但個妝就唔算keep到好耐！

 

 

2. LANEIGE 持久零瑕Cushion，遮瑕、粉底Cushion 2 in 1，真係好方便，遮瑕度好好，毛孔都遮到，但時間一耐就出油，妝唔係太持久。

 

3. Sulwhasoo 輕透霧光氣墊粉凝霜 Sheer Lasting Gel Cushion，雪花秀呢個cushion霜妝質地，用上面之後即轉化為粉狀，係我暫時用過妝效最持久最好用嘅 cushion。遮瑕度好，上妝後皮膚柔滑，妝效又keep得耐，係我油面人嘅首選！

4. innisfree 我的專屬絕配氣墊粉底 1.3 SPF35 PA++，按照自己嘅需要而調配，但就個妝好唔持久，出油好嚴重，虎紋仲會卡粉！呢個氣墊粉底可能韓國嘅天氣比較適合！

 

5. Belif Moisture Bomb Cushion SPF50+/PA+++ 紫芹潤澤炸彈氣墊粉底液，係用過超易溶妝嘅，遮瑕度又一般，可能加咗 Oil System，冬天用都仲好啲，但夏天真係攪唔掂，應該好啱韓國嘅天氣用，但始終香港都係潮濕啲！

6. VDL Expert Perfect Fit Cushion 專業無瑕持妝氣墊粉底SPF 35 PA++，毛孔及色斑都遮唔太到，妝容又不太持久，仲滿面油光。

7. IOPE 水潤光透氣墊粉底-升級版 極致遮瑕款 AIR CUSHION® INTENSE COVER，呢個係我人生中第一個氣墊粉底，因為千頌伊而買嘅，當年呢度劇有幾紅唔使多介紹，連帶主角用嘅著嘅戴嘅都紅到不得了，所以俾佢燒到好正常！IOPE 水潤光透氣墊粉底遮瑕度好好，啱我呢啲咁多瑕疵嘅皮膚，細個生暗瘡留底好多印，用呢款就啱，上妝後都算唔太容易溶妝！

8. VT X BT21 Real Wear Water Cushion，毛孔遮唔到，遮瑕度一般，妝好易溶！

 

9. HOLIKA HOLIKA X Peko不二家牛奶妹 水潤氣墊粉餅，上妝後粗大毛孔遮唔到，又唔算太持久，整體而言一般。

雪花秀呢個cushion冬天已經有用，最令我驚喜嘅係夏天用都唔會溶妝，都啱香港嘅天氣用，真係好啱我成面都易出油嘅膚質，霜妝質地上妝後變粉狀，真係正，完全係為油面人出嘅cushion。

個人實測嘅分享係跟返我易出油嘅膚質，以上全部都係韓國牌子氣墊粉底，可能韓國天氣會比較適合用，有部份嘅cushion其他膚質嘅sis可能會覺得好用，如果大家都係成日出油嘅可以試試以上嘅推介係咪同我有一樣嘅感受！

☆Facebook☆

★instagram★


Natalie ★instagram★ ☆Facebook☆

Blog
☆Beauty Exchange☆
★She.com★
☆U Blog☆
★Blogspot★
for any enquiries pls contact
chunatalie4@gmail.com