聖誕大餐嘅完美ending｜Soulgood Bakery 聖誔新年節日限定款@K11 MUSEA

12月 12, 2022

聖誕大餐嘅完美ending｜Soulgood Bakery 聖誔新年節日限定款@K11 MUSEA

聖誕節最開心就係親朋戚友可以派對聚餐，聖誕慶祝少不免會有聖誕蛋糕，傳統嘅聖誕蛋糕未必啱我呢啲香港土生土長又未係外國生活過嘅人，所以呢都係搵個啱自己口味嘅蛋糕。巴斯克芝士蛋糕從來都係首選，有間芝士蛋糕呢個聖誕一定要試，真係好好味，有小朋友嘅家庭有蛋糕一定仲開心！

位於K11 MUSEA 嘅 Soulgood Bakery 有晒聖誔新年節日限定款式，有大人口味同小朋友口味，大人可以選擇「百利甜酒聖誕樹幹巴斯克芝士蛋糕」！

點擊圖片放大

小朋友就可以選擇「蘋果金寶巴斯克芝士蛋糕」，「Soulgood 4 人歡樂聖誕樹禮盒」或者「Soulgood 8人歡樂聖誕樹禮盒」送禮都好適合！購買歡樂聖誕派對組合更可免費獲得聖誕頭飾，大人細路都大人細路都可以一齊戴！

Soulgood Bakery 4吋Soul Baby Cake適合小家庭聖誕慶祝，透明半球狀外裝綁上絲帶，成份禮物咁儀式感滿滿，細細個好方便打卡又靚！

Soulgood Bakery 嘅巴斯克芝士蛋糕真係好好食，食過就知好嘢嚟！巴斯克芝士蛋糕食落口非常綿密，但又唔會漏唔似有啲芝士蛋糕食完好濟，「百利甜酒聖誕樹幹巴斯克芝士蛋糕」樹幹造型，傳統聖誕蛋糕變奏版，一樣非常貼切慶祝聖誕嘅聖誕蛋糕，自19世紀開始傳統上聖誕就係大餐後要品嘗聖誕樹幹蛋糕，成為聖誕大餐嘅完美ending！所以聖誕樹幹蛋糕對聖誕有幾咁重要，「百利甜酒聖誕樹幹巴斯克芝士蛋糕」有小小酒香，好啱大人配餐酒享用！