CP值超高醫學級產品
早排有人同我講，而家啲人好難估佢幾多歲，都係嘅而家醫美咁流行。先唔好講打針微調，醫美產品都可以保養到一定水準。醫學美容影響人類有幾大，我諗女仔皮膚狀況平均都比年齡細10年。
其實我都幾鍾意用醫學美容產品，覺得科研實證，信心保證haha。台灣醫學美容產品都係CP值高嘅選擇，因為價錢合理，質素仲好高。Loveisderma雖然係台灣品牌，但其中有部份產品係瑞士及美國制造，有專業科學背景驗證嘅產品，一定唔會有過敏嘅情況。需知道，買左返黎搽左又敏感，咁買黎做咩。呢個品牌係好多國家都有得買，中港台都勁多達人推介，一早都知道呢個牌子。
敷Loveisderma Deep Hydrating Mask之前忍唔住大聲咁嘩左一聲，因為佢係我敷過咁多面膜，最最最多精華嘅面膜，滿滿嘅精華都不能形容得最貼切。精華多到好狂haha。
生物纖維面膜，燒傷皮膚都係用佢，生物纖維由安全微生物菌發酵而成，其纖維細過皮膚之間嘅皮溝，不但皮丘同皮溝都達到相同深度保養，另外仲可以避免精華液蒸發，好似人類第二層皮膚咁，難怪佢有個名叫人造皮膚。
精華成份有蘆薈葉露、玻尿酸、甘草根萃取物、小黃瓜、海藻、德國洋甘菊、水解酵母蛋白等。多到用個30ml嘅樽倒起佢，仲可以留返之後用，咁當然最好一星期內用晒，但我會留返第二日用棉花濕左精華再敷，一Mask兩日用，抵到呢。
5合1 嘅深層卸妝潔膚液，具卸妝潔膚、抗氧化、化妝水、舒緩、保濕多功能。簡易卸妝，唔使不停咁來回抹，眼紋都小啲。黎自瑞士阿爾卑斯山天然活泉水，不含防腐劑，酒精及香料，敏感肌膚都適用。
Paper Mask敷得多，有時我都懶，會想敷下Gel Mask同Cream Mask。B5 Hydraboost Gelly Masque啫喱狀，敷完保濕度提升好多。敷前會加Hydramax Serum打底，效果更好。搽5mm可以敷20-30分鐘，重要成分係維他命B5，我用第一支精華液就係維他命B5，呢個成分保濕真係一流。
Loveisderma 2008年美國南加州ISDERMA INC 結合國內外頂尖實驗室與來自皮膚學、生理學的全球頂尖科學家研發產品，Hydramax Serum亦係其中一個Made In USA嘅產品。呢支B5精華結合左玻尿酸，達到長效保濕鎖水功效。玻尿酸仲有雙分子，小分子滲透力佳，大分子抓住水份，肌膚表面形成保護膜。
話時話，近排病到7彩，唔係輪住敷呢個啫喱面膜同紙面膜，一定乾到老左幾年。食西藥皮膚水分一定抽乾，好彩收到好產品。謝謝Loveisderma^^。
Blog
★She.com★
☆U Blog☆
★Blogspot★
for any enquiries pls contact
留言
張貼留言