我的最愛片皮鴨～大都烤鴨

8月 26, 2016

我的最愛片皮鴨～大都烤鴨

小時候成日食中菜，因為屋企人鐘意食，原因就係咁簡單。咩冬瓜盅、片皮鴨、吊燒雞、醉蝦、紅燒D唔知咩、咩班頭腩、咩咩咩同乜乜乜。。。中菜名真係難記得咁多，太多款式，唔會記得，剩係記得食。傳統酒樓好難有少女們會想去，但呢度都幾適合，因為有卡位，又坐得舒服，gossip最啱。

從小就已經好喜愛食片皮鴨，因為會有人係枱邊即場片。個人幾作狀，要人桌邊服務。除左咁之外就係皮要片得夠薄，因為有好多片埋肉，真係太厚。仲要塊鴨皮唔可以淋，唔係會咬唔開。包住鴨果塊皮又不能太厚，又唔可以太薄，容易一拎就爛，個汁又不能太咸。我知我煩，為左食可以有幾多要求。食過好野返唔到轉頭，呢個道理唔係唔明嘛。位於K11呢間，大都烤鴨都算近期黎講食過都算水準之上嘅中菜，難怪成日都要等位。佢個烤鴨，真係不得了，好食到呢，價錢又唔貴。有圖有真相。好耐好耐好耐無食過咁好食，佢好附合我以上要求。咁好食，食唔返點算。雖然無即場片，但會俾你見一面隻鴨先拎去片。