秋天護膚心情｜日本必買面膜

10月 03, 2016

秋天護膚心情｜日本必買面膜

近排心情好差，唔知點解。女仔總有呢啲時候(關唔關秋天事)，難怪男人成日都話女人係好難捉摸嘅動物。心情差皮膚都好似唔太好咁，正常呀，心情會影響成個人，不論磁場同樣貌。咁點算，我唔想咁就多幾條紋又出粒粒，心情已經唔好，樣唔想衰囉。。。

唔好嘅心情可以轉化為其他力量，睇下書，敷下面膜，可以釋放一下負面情緒(this is my way =.=)。通常我都會敷返個靚mask睇下書，因為反正都無野做，hea不如扮靚。

Hello Kitty NARIKIRI FACE PACK

敷返個會令自己心情好嘅面膜。Hello Kitty真係好打耳，I Love You。櫻花＋Hello Kitty真係最愛，無敵。未敷見到包裝心情都好左一半！櫻花味面膜，主要成份都係保濕美白，有水解膠原蛋白、透明質酸、熊果素等等。日本限定，但其實香港呢個購物天堂點會無得買啫。

MINON Amino Moist

轉天氣又敏感咁點，心情更差，用返個Cosme 2015年第2位嘅面膜啦。官網仲大大隻字話你知呢款面膜Cosme 2015年第2位。上年係日本一度賣斷市(因為我買唔到 =.=)，都係俾人搶晒，想買都有D難，而家香港呢個購物天堂又有得買啦。無香料、無色素、無添加，敏感肌都用得。有9種鞍基酸，真正皮膚需要。

面膜好貼面，精華仲好多，有成22ml

隨面膜有張紙仔，話你知點解會敏感，識日文就好啦。我唔識日文都識Google Translate，HAHA

Kanebo Suisai Deep Moist 3D Mask

Kanebo Suisai 有個洗面粉一定識，一粒粒獨立包裝果隻呢。面膜都要3D，追求立體美感。我都係第一次敷3D面膜，有種新感受，另一款粉紅色包裝掛耳款，但我只買左藍色。3D設計好貼面，豆乳發酵精華、蜂王漿精華、玻尿酸等成分，有助軟化角質層及滲透保濕修護皮膚。下巴鼻鼻旁邊都照顧到，細心。但呢款好似未見過香港有得賣。