台灣鳩嗚有咩買？
去台灣有咩買，我真係諗唔到必買item。但次次去都買好多無謂野，這就是人生。haha
今次去咁啱屈臣氏有優惠，買2送1＆加多1蚊送1件，真係邊忍到唔買。。。
買左好多Dr.Wu……
台灣屈臣氏有即棄CON賣，真係made in taiwan，我呢啲近視妹買左一盒試。有好多色，呢款就戴左上去似大眼CON。
仲有蜷川實花crossover即棄CON賣，不過我去嘅時候台風天無人係櫃台，想買都無我份T.T
終於我都買到傳說中Sofina專登為台灣潮濕天氣調配，SOFINA Primavista Ange控油底霜瓷效妝前隔離乳，銷量破億，嘩。佐佐木希好靚女，真女神。
水潤瓷效妝前隔離乳有閃閃地效果，啱我呢啲想塊面睇黎飽滿啲嘅人。本身想買埋碎粉，但我仲有盒新都未開，真係都唔得買咁多，一陣擺到過期就唔好啦。
估唔到台灣ABC Mart買VANS平過香港咁多，可能咁啱有折。有好多款選擇，包括經典款都有得賣但就折得唔多。平均一對唔會超過2000台幣，仲買多左對灰色都係千幾台幣。好抵^^
呢對本身2380台幣減到790。。。
台灣同日本一樣都好多便利店，見到有Hello Kitty花花賣，好得意，覺得好正。
去得果幾日以為差不多，因為無時間，點知去到機場又忍唔住。上次去搭中華航空係第一航廈上落機，有一個手信真係會掛住，就係手作鳳梨酥。呢個鳳梨酥算係我食過最好食，係機場新東陽買。行過西門町間新東陽都無，唔知點解。因為今次搭長榮，係第二航廈上落機，無得買啦，只能回味。
係第二航廈入到候機室果邊有好多不同主題，商店比第一航廈多超級多，仲俾我發現到Hello Kitty 童話玩國，全球唯一Hello Kitty主題候機室，隔離就係賣精品。嘩，無幾多時間候機室都唔得閒影相，買左野先啦喂。
買左芒果布丁、朱古力，包裝好靚但唔好以為無內涵。朱古力係比利時，芒果布丁用愛文芒果，足料又好味。全部都台灣限定喔！
最後我俾Hello Kitty台灣限定麻雀，只有機場有得賣，一聽到就無辦法唔買，對於我抵受唔到呢種限定嘅吸引力，真係除左埋單無其它。成套麻雀都係Kitty架，好打耳，好口愛，chuchu^^ 雖然我唔係成日打，一年都唔知打唔打到一次，但真係好得意。為左買佢，仲遲左上機，真係太唔應該。
有個袋啦，成個鐵盒裝住麻雀，有張枱墊。索子係蝴蝶圖案，筒子係貓頭，真係太太太卡嘩易。一定要打籌碼，都有Kitty印係上面，OMG開枱吧。1缺3呀點攪。
訂閱Natalie YouTube
instagram
Blog
Facebook
for any enquiries pls contact
留言
張貼留言