經期前護理小貼士

9月 02, 2016

經期前護理小貼士

女仔生理週期有好多變化，其實皮膚都會有影響，所以我自己會根據返情況用不同護膚品。黎M前一星期係黃體後期，真係有呢個名架，有興趣可以wiki下。呢個時間荷爾蒙會比較唔穩定，就有機會油脂旺盛會爆瘡，缺水，容易敏感。所以要平衡返荷爾蒙，控制油脂分泌過盛，保濕一定要做足。

我預計差不多下星期會黎M，所以今個星期我有個新Menu俾我皮膚

而家我嘅護理schedule是咁的

早：用雪花秀滋陰水、滋陰乳液，食GNC月見草油一粒

晚：用CLARINS洗面及爽膚水，GOBDIGOUN24K黃金胎盤面霜、全效修護胎盤精華眼霜

黎M前一星期：用GOBDIGOUN胎盤生物科技面膜

碌落去睇睇點解會選擇呢幾款產品。

GNC係全球最大營養產品生產商，品質有一定保證啦。

每日真食月見草油，含重要脂肪酸，舒緩少女們週期性不適，仲會皮膚靚靚。(上個月懶無食，經痛到XX，今個月我唔會俾佢發生，哼！)呢個真係食，唔係搽架。

朝早就食搽韓方草藥調養皮膚，雪花秀係邊個唔使介紹啦下話，去到瘋搶嘅程度。滋陰乳液，韓方草藥滋養調理皮膚，牡丹皮可以軟化皮膚角質，杭菊精華可以促進血液循環，令到膚色健康紅潤。乳液推得薄但都好滋潤，滋陰水就好似啫喱咁吸收得好快。

夜晚就食搽羊(胎盤素)平衡荷爾蒙，GOBDIGOUN係韓國明洞LG保養品牌專賣店嘅貴婦級護膚品，KFDA認證。3款產品主要成分係澳洲頂級羊胎盤素，含多醣體、脂肪酸(飽和同不飽和都有)、無副作用荷爾蒙，調節平衡荷爾蒙，抗過敏，增強細胞活力，又咁又咁，太多優點講唔晒，會唔會太過份。難怪好多女星都有用羊胎盤素呢個成分產品，食架啦，搽架啦，打針都有。

黃金胎盤面霜除左有羊胎盤素，仲有金箔，有淨化皮膚同排毒功效。

精華眼霜都有羊胎盤素，仲有肉毒桿菌，抗紋除皺。