出遊必備

好剪張，好剪張，聽日飛喇。飛台灣都剪張都唔知咩人黎架。去旅行最煩就係執行季，個人認為！但有幾件東東一定要帶，帶左對我黎講安全感大好多，雖知女仔最需要就係安全感。藥就一定要帶D，有咩事都可以即晚食，第二朝有精神去玩。點可以去旅行先黎病呢！熱帶國家一定要帶啦，唔知水土服唔服架嘛。

日本EVE QUICK頭痛藥、RYUKAKUSAN龍角散、法國雙飛人藥水，呢3款藥要帶定，去到人生路不熟就算病都可以頂住一陣。

法國雙飛人藥水
呢支藥水人仔細細，好鬼勁，因為佢可以外敷內服。
外用－消毒退炎、湯火灼傷、蚊叮蟲咬。
內服－傷風感冒、疴嘔肚痛、牙痛頭痛。
外服內用－驅風救急、舟車暈浪、消暑提神、消化不良。
外遊水土不服，有咩頭暈身㷫靠晒佢啦。

日本EVE QUICK頭痛藥
頭痛, 肩膀疼痛, 牙痛, 經痛（生理痛）, 喉嚨痛, 關節痛, 肌肉痛, 神經痛, 腰痛, 拔牙後的疼痛, 挫傷疼痛, 耳痛, 骨折疼痛, 扭傷疼痛, 外傷疼痛的鎮痛發冷、發燒時的退燒
乜痛都適合，仲唔帶一盒。

日本RYUKAKUSAN龍角散
200幾年歷史，全部中草藥成分，對喉嚨痛、熱氣、止咳化痰，好有效。外遊小不免食好西，今次去台灣可能會食燒肉、麻辣鍋、街邊野都離不開煎炸，仲唔帶定咩。

LION休足時間
近期娜娜個廣告咁行，應該都識佢啦。香港未有得賣果時，去日本必買，因為係日本血拼，真係好攰，尤其是對腳。旅行行勁多路係基本野，所以瞓前要貼佢，第日起身隻腳唔會痛。最緊要係無膏布咁大藥味，5種芳香精華(薰衣草、鼠尾草、迷迭香、檸檬、甜橙)，長時間貼都唔會敏感，啱晒我敏感肌，仲涼涼地。

MegRhythm蒸氣溫熱眼膜
花王出嘅蒸氣眼膜，持續10分鐘釋放約40℃溫熱蒸氣，好舒服。去到陌生地方用，眼不見為乾淨，唔想係酒店瞓果時諗咁多。戴著瞓，好快瞓得著，又有薰衣草味，有助睡眠。

利申：以上幾件東東如果去日本的話，我只會帶雙飛人，去日本買咩都得啦！(唔知幾時返鄉下呢？)

for any enquiries pls contact: chunatalie4@gmail.com

Natalie Luv Beauty