洗面粉用得多，去角質粉有無用過先？

11月 01, 2016

洗面粉用得多，去角質粉有無用過先？

死皮多、油脂分泌多、黑頭白頭多、暗瘡多，係架喇，又唔係天生麗質，除左再勤力保養，我可以點T.T。但係去角質產品好多人都話唔可以日日用，咁點算好T.T。平時我都唔會成日去角質，因為用過好多產品都好乾，未遇到好產品之前，都唔敢亂黎，就好似要遇到Mr. right一樣。

亞洲人好鐘意美白，但其實要美白唔一定要用美白產品，因為角質厚，睇落塊面都又黃又無光澤，用幾多美白產品都無用啦，咪俾啲死皮吸晒。去角質後，用其他產品先會吸收架，唔係一味用美白都唔白得去邊。dermalogica® 係一個好多美容院都會用嘅牌子，我細細個就識佢，而呢隻美白亮肌粉連續13年榮獲InStyle Best Beauty Buys Awards，仲唔係best buy。

微型美白酵素粉末Daily Microfoliant，配方溫和，專業皮膚科醫生研發，可以日日用。當然本身極度超級敏感就唔好日日用啦，要照顧好皮膚。睇餸食飯囉，有時皮膚都講狀態，u kno。但我塊面成日紅，日日用都無咩點，仲覺得皮膚滑左好多。木瓜酵素及水楊酸都係去角質、清潔毛孔嘅高手，除左去角質之外，裡面植酸成分仲會刺激細胞再生及均勻膚色。