行山都係為左野餐｜大帽山遊記
有日個Fr話，不如去行山呀！嗯，我呢啲懶到行步路都覺得好攰嘅廢青，一定唔係話幾想去啦！跟著我Fr就腥左條link黎，話「 芒草」影相好靚，去啦順便野埋餐！為左要同個Fr私影，重點係未野過餐，都要去下嘅！
約左個Fr係荃灣西站等，之後搭51號巴士，係「郊野公園」站落車，行一段路就到大帽山郊野公園。51號巴士班次唔密，所以下次去同走都睇定邊班車。
行山電話響我同個Fr嘅對話
佢：「喂，你係邊？」
我：「行緊山」
佢：「你喎？行山？你喎？」
我：「行山唔得咩」
佢：「唔係唔得，但你喎？行山？…….」
喂咩事先，家陣廢青唔行得山咩hahahha
行左半個鐘至9個字，有一個地方可以坐，因為對於我呢啲廢青，真係氣都喘。坐一陣，先可以繼續行。
沿路行上去，有好多車經過，我不停同個Fr講，截車啦hahah 坐順風車上山啦haha
我Fr本身想上呢個塔，我肯肯定我唔得，好彩佢放過我。haha
行多陣就到呢塊石，又要私影！
跟著我Fr話就到喇，行快啲啦！跑到勁遠唔等人
皇天不負有心人，我終於行到有「 芒草」睇，雖然唔係去到頂，因為真係頂唔順。
呢度仲有塊比頭先更大嘅石。仲有牛。
嘩，行山真係太太太太太太攰，無運動真係好唔掂，我睇唔起我自己=.=
所以我決定要食野，補充返能量。
由於無車嘅關係，自己拎唔帶得幾多野食，都係三文治。方便嘛！野餐真係好正，但唔使自己拎野上山仲正。haha 都話截車架啦
食飽飽都日落，真係美麗的風景令人感動。
日落仲唔走，大帽山好大霧，一陣霧飄黎仙境咁樣樣。
呢度好有外國Feel，好靚。
行落山都掛住玩，影埋打交相ahhahahha super low B
行到天都黑，下次請早。。。
訂閱Natalie YouTube
instagram
Blog
Facebook
for any enquiries pls contact
留言
張貼留言