今年必睇神劇《藍色大海的傳說》
期待已久嘅神劇，終於都播，男神女神做主角仲唔係神劇。第1&2集收視率已經超越《來自星星的你》，女神全智賢果然係收視保證。野蠻女友已經好鍾意睇女神，而家簡直係愛啦。
劇透下先，男主角係我男神李敏鎬飾演一個天才騙子，女主角係我女神全智賢飾演美人魚。真係唔記得佢地劇中叫咩名，因為男神女神係劇中叫咩名唔重要囉，演技已經蓋過一切。套劇外國取景又有好多笑位，因為美人魚對人類世界完全陌生，所以做左好多白痴野，女神做得非常之可愛，只會令人更愛佢。又靚景又靚人仲唔心心眼。
劇集開始都係好似《星星》咁，由古代男女主角已經有淵源。第1集全智賢完全無講過野，全程用表情同肢體動作表達，女神即係女神，完全勁好戲，真女神。^3^ 唔知咩事，女神突然有對腳，男女主角第一次接觸有打架場面，仲報警拉女神，好好笑。男神為左女神手上一隻幾百年前嘅翡翠手鐲，從警局救佢出黎。救左女神之後帶佢買新衫新鞋，其實我唔明點解韓劇男主角成日都帶女主角去買衫haha。手鐲到手之後，男神即刻甩身 。女神等好耐都唔見男神出現，最後係街度等，男神出現。最後呢個鏡頭仲係全集最高收視，真係好滾動。
第2集男神因為呃左個有錢人而被追殺，女神勁攪笑，識功夫，仲要超勁haha。有一幕勁浪漫，男女神因為俾人追，男神踩單車載女神，又浪漫又刺激。女神終於都開口講野，有一句對白好深刻，女神同男神講：「如果我係一個正常人有名有姓，係咪就可以繼續同你一齊」嘩，我眼濕濕！T.T 好感人！最後一幕俾人追到懸崖，女神拖住男神跳海，水底Kiss呢幕收視破左《星星》最高收視。
真係必睇神劇，全智賢眼神都有戲，李敏鎬靚仔有演技，嘩，唔講咁多，必追。
*圖片來自網上*
訂閱Natalie YouTube
instagram
Blog
Facebook
for any enquiries pls contact
留言
張貼留言