de Tour2016創意匯聚十日棚@PMQ元創方
藝術對一個人有幾重要，係平時返工唔會感受到。藝術係一個情感舒發出口，你會係好多藝術品上面得到訊息，所以好多心理醫生都建議情緒病病人接觸多啲藝術，透過藝術可以表達出自己嘅情感。唔好意思，講遠左。
香港地小人多，好多時都無地方去俾藝術發展，PMQ絕對係一個好好嘅平台俾本地創意設計人才展示佢地嘅作品。間中都有國際創意活動，做文化交流。今次去呢個de Tour2016創意匯聚十日棚，匯聚左本地新進設計師同知名創意專業人士，透過體驗互動裝置藝術、工作坊、活動等等，等大家認識到新設計同城市生活都有關係，亦都係一個城市人放鬆嘅好地方。
今年de Tour主題係「Game Changer」，尋找改變生活無限可能。現場有好多大型裝置藝術，介紹其中幾個我個人最鍾意嘅，因為真係太多講唔得晒，我諗要行晒都可以用幾個鐘，慢慢睇感受下文化藝術氣息。
《共振之靈IV》大型裝置藝術，視覺、聲音、機械運動，呢個係我會睇到入左迷，不停咁望住，唔知點解覺得好療癒。
夢想係近期好多品牌都有提及嘅，大概人大左就會覺得夢想有多遙遠。呢隻熊《dream collector》係用紙做，用紙做一粒波子，把夢想儲存熊中。
《築字室》係用一本書做出黎，結合左文字同建築，中間可以入去，底部係「閱讀平原」
《SAVE THE FISH》係用鋁罐做，想喚醒大家環保意識。
電視遊戲機的變化
《靛藍雨》呢個實驗裝置，係一個設計師想用不平常方法染布，從頂部滴下靛藍液，染藍下面嘅布、衫、傢私，聽說塊布之後仲會做衫。
立新不破舊，重新演繹或者已遺忘嘅物料。
「摸得到」自畫像，畫中有按鈕，一按就有聲音講解，視障人士都可以感受藝術。
瑞士優秀設計，呢個地方係留得最耐，因為意外見到設計師Julian Zigerli本人。
設計師用左不同物料製造時尚，衫褲鞋袋都有新思維。
呢個tour真係太多野睇，好值得花時間去欣賞，因為我覺得藝術係無價，亦都會令繁忙城市人有反思。
活動到12月4日，仲有幾日時間咋，去感受下氣氛都幾好呀。無時間就要等下一年喇。
天黑熊仔仲會有燈，好靚。
de Tour2016創意匯聚十日棚
日期：2016年11月25日至12月4日
時間：11:00-20:00
地點：中環鴨巴甸街35號，PMQ元創方
Blog
★She.com★
☆ U Blog☆
★Blogspot★
for any enquiries pls contact
留言
張貼留言