2016年日本@cosme大賞｜櫻花妹Good Pick

12月 30, 2016

2016年日本@cosme大賞｜櫻花妹Good Pick

又一年過去喇，即係又老一年T.T 拿拿拿，唔準咁負面架，心境年輕更重要，好嗎。每年年尾我都會睇日本@cosme The Best Cosmetics Awards，呢個榜係由消費者評選嘅排行榜。睇下自己有無用緊有上榜嘅產品，如果有會覺得自己無揀錯hahaha 2016年我用左8樣野都有上榜，有眼光haha

講左第1位嘅先啦。

SKII 神仙水有幾勁可能覺得係廣告勁，但其實佢有一個好有才華嘅功用，係可以淡化油脂粒。有一個朋友有一日問，眼周圍好多油脂粒好想針清，我就問佢平時用咩眼產品，佢就話其實都唔關事，好細個就有。咁有時油脂分泌都好個人，近眼針清好危險，眼皮膚又咁薄，所以我介紹左佢用神仙水。不過要有耐性並且好勤力日日敷，之後過左一排真係小左好多。化妝水拎第一係好合理。

MINON Amino Moist 2015年第2位嘅面膜，2016年躋身面膜類第1位。之前都有介紹過，真係好正，無香料、無色素、無添加，敏感肌膚都用得。

SOFINA Primavista 持久控油底霜@cosme shopping購物網銷量第1位，我一直有用，之前亦都有介紹過。油面人最啱用嘅妝前底霜，堅係無咁易溶妝之餘，唔會乾。

好喇，到第2位喇。

SALON DE PRO 白髮專用染髮膏係我幫爸媽買嘅，都用左一段時間。呢隻染髮膏無味，又唔太傷頭髮，又可以遮到白髮，媽咪話用過唔會轉其他喎。唔怪得拎第2位，真係Salon級染髮劑。

DUP 絲滑特濃防水眼線液係2016年上半年係第1位，全年總成績係第2位。DUP眼睫毛膠水太出名一直都有用，眼線一出就第1位，果然係化妝師推介產品。油眼人最最啱用嘅眼線液，落妝又易溫水都落到。

呢支洗粉撲嘅清潔液，我只可以講，平靚正。我已經用左好多支，得第2位實在係太應該，因為佢CP值超高，因為12蚊店DAISO JAPAN有售，仲要MADE IN JAPAN。OMG 12蚊仲要日本製，超值。而且用過你就知，潔力超強。粉撲唔洗嘅話，菌又多，妝又唔貼，皮膚又出粒粒。呢支野非常值得買，同埋12蚊店唔係成日有貨。

講埋第3位嘅。