唔識韓文都可以做韓國通｜出發前要做定功課
韓國行只有兩日，咩都無Plan，只Plan去學化妝。未出發前，我有2個APP一定要dl，一個係韓巢，另一個係KLOOK。因為係韓國旅遊達人介紹（其實係我表妹，佢成日去韓國話合埋眼都識行，仲唔係達人haha）。
韓巢係韓國地圖，雖然佢係殘體字，但有左佢，起碼識睇，Google map真係攪唔掂，圓圈交义字完全睇唔明。佢最好有地圖之外，仲有介紹食、住、買野嘅地方。唔識韓文都可以做韓國通。
KLOOK係租WI-FI蛋，平到喊，12蚊日，機場交收又方便，本人用過超驚喜。原因係朋友買左電話咭成百幾蚊5日（好似係），但重點係咩，就係電話咭經常收唔到，要問我借WI-FI，做直播都穩定好多。如果間酒店個Wi-Fi唔穩定都唔使驚呀。
行之前只有一星期就要出發，急到咁樣樣，機票係無得揀，是但買果隻。但搵機票發現原來香港出發去韓國通常都係零晨機，喂大佬，去到我一條友點算，瞓酒店又唔抵，又無覺好瞓，去到又無精神。最後我揀左搭韓國人嘅廉價航空JIN AIR真航空，雖然佢班機時間唔太好，但真係算平。雖然去果時落雨，今次搭過無咩危險，都幾好呀。haha 廉航都有飛機餐，算好好架喇。回程時仲差不多全部韓國人，我諗韓國人都好似幾BUY呢間廉航。
搵左機票，仲要搵酒店，本身想搵間平，但諗諗下都係同朋友住埋同一間算，方便啲嘛。今次住Hotel New Oriental Myeongdong明洞新東方酒店，所有格價網都唔夠直接同間酒店訂咁抵，咁梗係去佢網頁訂啦。 
一個人由機場去酒店，其實幾驚。朋友早我幾日去，千叮萬囑叫我唔好搭鐵路，因為轉幾萬次車加埋拎住行李會非常燥底。咁所以呢，我就上網搵搭巴士應該搭邊架。住係明洞那麼方便的地方，當然巴士都方便，因為有2架巴士（6001 & 6015)都係經過好多酒店附近都有站，一程過，唔使轉車。
機場5號出口就係巴士站（6001 & 6015)，可以去票站買飛或者上車俾錢都得。我建議搭6015好啲，因為班次密好多，其實可以睇左時間先去買飛，因為我好心急買左6001車飛，但見到6015開左兩班都未有車，個心更急haha。
上到車即刻要開韓巢睇睇咩站落，明洞站（Myeongdong Station）落行一條街轉彎就到，好方便。
係機場可以買定類似8達通嘅T Money，搭車、去便利店買野都方便好多。 
如果唔係搭鐵路買單程飛要俾多500₩，要係出閘有部機退返錢。
走果日都係搭巴士去機場，因為太早機，問左酒店幾點有車，仲俾埋時間表，真係細心。其實應該影下間房，但我太唔專業，唔記得左haha。房間同網頁上分別唔大，都舒適嘅，沖涼水夠熱同強，最緊要係風筒唔使一直㩒住開關先用得。整體算無伏。
去韓國No.1 K-Beauty學化妝其實有拍片，但由於本人剪片技術太唔叻，要用非常之十分之多時間制作，我諗都要下年先出LOL。
Blog
★She.com★
☆ U Blog☆
★Blogspot★
for any enquiries pls contact
留言
張貼留言