韓國熱門化妝品～少少分享
早排去左韓國學韓妝，得果兩日時間，食同買野都好精簡，因為真係無時間。買左勁少野囉，剩係買左化妝品，因為帶左22吋喼，咩都裝唔到。點都分享下啦，雖然我真係買左好少野，仲要係熱門野。haha
IOPE呢個品牌係我睇《星星》果時認識，同佢真係唔熟，因為一件產品都無用過。今次買左個氣墊粉餅，買一盒裡面仲有多個粉芯。另外有買千頌伊44色唇膏，唔好意思，我知我OUT，人地而家追美人魚唇色，我仲買千頌伊唇色。但其實44號唇色，係市區係售罄㗎，最後我係機場見到先有得買，你就知其實千頌伊魅力仍然好緊要。44唇色真係好自然，好靚。
原來我買呢個氣墊粉餅已經出到第四代，係2016升級版，有4款功效，色號增加到5種。買個粉餅都揀玫瑰金邊，好鬼型，呢款係完美遮瑕型，所以我揀佢。今次去韓國終於都明佢地點解會Hit氣墊粉餅，因為零下6度，搽左好多野打底，用氣墊粉餅印上塊面，唔會捽到起粒粒。
用粉撲份量小可以做到自然裸妝
用粉撲份量多啲遮瑕度會更高，妝容都可以精緻啲
同埋遮瑕真係好得，我下巴紅點全部遮晒。
我同自己講，今個冬天一定要買一支霧面唇彩，行過PONY EFFECT定係I'M MEME，其實我分唔清，總之見佢新出，所以就買左支。搽霧面唇彩之前唔好搽太潤嘅潤唇膏，唔係就無霧面嘅效果㗎喇。
用手指推開顏色會淺色啲，用佢原本個掃會深色啲，可以做到兩個效果。
呢個MAGIC CONTOURING其實我真係唔識佢，咩牌子都唔知，但有朋友話好用，就買左。女人有時其實都幾麻木，見人話好用，都會想試下。haha 其實呢個光暗影又真係幾好用嘅，盒蓋有教點樣化光暗影，一盒方便帶呀嘛。
ETUDE HOUSE呢支Play 101 Duo修容筆，有晒深淺，一支攪掂立體輪廓。最緊要係質地唔笠，唔會咁易容妝啦。
畫完用掃或者粉撲推暈佢，好方便。
仲有買左支用開嘅眉筆，一邊掃，一邊3角型眉筆，好方便。
呢支MISSHA睫毛膏真係超好用，一定要買4D，CP值超高，我用過幾個大牌都無佢咁好用。我本身眼皮成日出油，所以睫毛膏成日會甩到好似熊貓眼咁，但呢支睫毛膏完全唔甩，仲好易落妝。我都唔記得用左幾多支，用過佢唔會試其他。
畫埋下眼睫毛都唔會甩。仲咁啱買一送一，心心眼，勁回購。
韓國化妝品真係又平又好用，CP值咁高，覺得自己買得好少。=.=
訂閱Natalie YouTube
instagram
Blog
Facebook
for any enquiries pls contact
留言
張貼留言